u/Big_Proposal8710

خليني أحكيلكم حالي و ياريت تديوني رأيكم او وجهة نظركم

تقريبا من ١٢ سنه كنت لسا طفل في متوسطه تقريبا و كنت بحاول اشد حيلي كتير في الصلاه و انتظم و كنت دايما بدعي ربنا بدعوتين بصراحه واحده انه يرزقني عشان آدي المحتاج و إساعد اهلي و التانيه اني ادخل مدرسه معينه مع واحد صاحبي كانت المدرسه دي فوق قدرتنا الماليه ماما كانت داعمتنا الوحيده في الغربه و كنت بروح المسجد كل يوم و اصلي لي فتره حلوه و ادعي الدعاوي دي كل يوم و لي اليوم فاكرها

فا بعد فتره يا جماعه كنت راجع من المدرسه و باص تاني وصل في نفس معادي و أنا نزلت و عيال جيرانا نزلو هما في المدرسه الي أنا عاوزها على فكرا فا كنا وقتها نص الترم الاول فا كنت راجع البيت لقيتهم بينادوني أنا استغربت اصل احنا مش صحاب اوي فا رحتلهم و قالو انتا اسمك فلان فلان فلان قلتلهم الله ليه قالو ايوا ولا لا قلتلهم اه أنا اتخيلو قالولي ايه قالولي ان اسمي بيتنده عندهم في الصف كل يوم وقت الحضور و بيحطوني غايب فا لما سمعو الاسم افتكروني و أنا كل الفتره دي كنت في مدرسه تانيه فا استغربت رحت كلمة ماما عشان هيا المسؤوله بابا الله يرحمه كان متوفي وقتها و قلتلها الي حصل هيا استغربت اصل محدش كلمها و الي فهمته منها انها قدمت اوراقي بس كا فئة مساعدات فا احتمال القبول قليل اوي و طلعت اتقبلت منهم و محدش كلمنا و لولا العيال دول مكنتش عرفت اني في المدرسه دي أصلا فا سبحان الله دي اول دعوه

تاني دعوه اضن ماشيه معايا لي اليوم بصراحه جالي رزق من ربنا كبير آخر ٦ سنين و شغل كبير قدرت اجتهد فيه و اكون نفسي و اقدر أشيل نفسي و اهلي و بطلع صدقات حلوه و ناوي أتكفل بي أيتام ان شاء الله يكونو ناس عاشو نفس عيشتي و عارف فقدان الاب صعب في عمر صغير فا بحاول اكون قد وعدي و اعمل الي قلت عليه بس دايما بحس اني مقصر و مستاهلش الي بيحصلي خصوصا بعد ما كبرت الوقتي و بقيت مقصر و بعمل ذنوب مش مبسوط بيها و بغلط كتير و خصوصا بعمل كدا بي نعمه ربنا ادهاني و شغل اشتغلت عليه فا حاسس بي تأنيب ضمير كبير بصراحه و احيانا بحس اني تايه مع نفسي أراضي ربنا ازاي ولا أنا ذنوبي دي اتوب منها ازاي و ليه الدنيا ماشيه معايا كدا و أنا بذنب هل ربنا مبقاش عاوز يحسسني ولا ينبهني بلي بعمله بنفسي ؟

بحاول انتظم تاني بصراحه و اقرب من ربنا ممكن لو حد عنده تجربه مماثله يقولي انتظم ازاي و غيرت ايه في حياته بس نكون واقعيين بجد ايه أتغير معاك و فيك بعد ما انتظمت في صلاتك

بحس كل شخص عنده سر او حاجه مستعد انه يموت معاه ولا يقوله او ممكن مش في باله انه يقوله لي اي شخص خالص لو تقدر تقوله لينا ما دام الأغلب هنا كدا كدا بدون هويه

دماغي مش مريحاني يا جماعه انا شاب شغال من صغري و سكنت و عشت لوحدي فتره حدود ال ٥ سنين كنت المفروض اخذ شهاده جامعيه فيها بس قدرت اكبر بزنس و ابني نفسي و اخذ رزقي منه و مقدرتش اخذ شهاده في الفتره دي و حاليا لسا بادي في جامعه جديده اونلاين أمريكيه عشان خاطر اهلي بصراحه مع انها مش هتفيدني في حاجه

بعد التعريف دا خلوني اقولك الي فيها كان هدفي من زمان اني أهاجر دوله اجنبيه ابني لنفسي حياه هناك و يكون ليا مكان اقدر ارجعله بعدين مع مراتي و عيالي و نقدر نسمي دا بيتنا عشان بصراحه عمري ما حسيت بشعور البيت او ان دي بلدي خالص لا مصر ولا الدوله الي اتربين فيها بسبب قوانينهم بخصوص الاقامه و غيره اخرك معاهم لين ما تنتهي أقامتك و دا مضايقني و مش حابب اعتمد على الموضوع دا اصل نهايتي هتخلص و هحتاج ارجع مصر و أنا لا عشت فيها ولا عارف حد فيها معرفه شخصيه و مش حابب الطريق الي الدوله رايحه له

فا الوقتي قدامي خيار الهجره و انا مقدرت و اقدر اعملها براحتي بدون ما اشتغل في الدوله دي و عندي خطه لي كذا دوله اعملها فيها بس اقل حاجه هعد هناك من ٣ سنين لي ٥ سنتين إذا مش اكتر و خايف أسيب ماما احنا قريبين من بعض اوي صح اخواتي معاها دايما و بيونسوها بس علاقتنا لطيفه و مبحبش أسيب حاجه في خاطرها فا بس ابعد عنها بتزعل و مش قادر اخذ القرار دا بسببها بصراحه في مره كلمتها عن الموضوع و كنا في مطعم مع صحبتها كانت بتدمع قلبي أتحرق والله ايه رايكم يا جماعه اعمل ايه ولا اسوي ايه هتهبل

مش عارف حاسس كل شويه السنين بتجري بينا بجد يعني كنا بنتكلم أنا و اخويا و كان بيحكيلنا ان كان في راجل كبير معاه في العربيه بعدين لما سالته عن ( الراجل الكبير ) طلع واحد ٣٠ سنه الي هوا تقريبا اكبر منه بسنتين بس متزوج و عنده عيال و احنا على الله لسا

الواحد احيانا بينسى انه بيكبر و لسا معتبر نفسه مراهق مع اني معشتش سن المراهقه دا اوي بسسب انشغالي و الدنيا بصراحه

غالبا دي أزمة منتصف العمر بس مبكره يله خليني اجمع شوية عقد اقولها لي الدكتور لما اقرر اروحله 😂

شباب أنا مصري بس عايش برا اغلب عمري مرت فتره أتعرف على وحده مصريه و حسيت وقتها اني جاهل بصراحه بثقافة السينما المصريه و الأفلام و المسرحيات الهابط منها او العاديه هيا حاولت معايا بصراحه بس اخري كم دقيقه و بنام آخر حاجه اتفرجت عليها مصريه كانت مسلسل تامر حسني و عادل إمام بتاع السفاره دا يعتبر اخري بصراحه فا عاوز رأيكم ايه الأساسيات الي اتفرج عليها و تكون مش ممله و اكون اقدر افهم الثقافه او الحر المصري

حاليا تقدرو تقولو استثماراتي كلها عقار بدخل تقريبا 9٪؜ صافي سنويا و الباقي في spus و كاش و كنت ناوي أزيد فلوس في الأسهم و اقلل الكاش بس بفكر بدال ما احط تاني في spus احط في QQQ بس في نفس الوقت مش متاكد لو هيكون خيار حلو حاليا مع الهبه الي حاصله و ترند ال ai

أنا كنت في علاقه مع بنت و بصراحه كنت بعمل ليها كل حاجه ممكن تحلم بيها قبل ما تفكر فيها و كان مجهود كبير بس كنت بكون مبسوط بيه بصراحه و بي بسطتها و انها مرتاحه مكنتش بحب اخليها تعمل اي حاجه غير و أنا جنبها و بنجزها ليها لو أنا موجود في الدوله او مسافر مش مهم

بس بعد فتره بقيت بنتبه انها بتجري ورا الاتنشن كا صور اونلاين سوشيل ميديا و لبسها و أنا بصراحه مش من النوع دا و بقيت حاسس ان الموضوع ثقيل و طعمه و حلاوته راحت بقيت حاسس اني بنافس ناس اونلاين معرفهمش لازم اعمل حاجه تعجب الكل او ( شلة البنات اونلاين الي عندها ) و حصل كم خلاف بينا و مكملناش سوا بس بتيجي في بالي كل فتره و بشوفها اونلاين احيانا و بشوفها على نفس النمط بتضهر لبسها اي حاجه في حياتها بتتكلم عنه حتى أمور شخصيه مشاكل اهليه بين عمها و امها و بتطلع تريند على حسه و مش عارف كنت بحنلها والله و لي وقتنا سوا و العلاقه الي بنيناها و تفكيرنا بس حاليا بقيت حاسس اننا كدا كدا مكناش هننفع لبعض بصراحه بلي بتعمله دا و عادتها دي

فا مش عارف والله أنا مش قادر افهم تصرفاتها ولا وحده ليه ممكن تروح تتكلم عن اهلها كدا حتى لو انه ابن لذينه عمل مصيبه بحس المشاكل دي غلط تطلع عام و تضهر لي الناس الحاجات الي بتحصل معاكي زي دي المهم يا بنات انتو شايفين ان دا طبيعي ولا بتقابلو بنات زي دول كتير و أنا كنت بسمع بصراحه من بنات كتير عنها انها بيك مي موت و مكنش عندي مشكله بصراحه المهم هيا عسوله و مبسوطه بس يمكن الاتنين دول ليهم علاقه ببعض ؟ بحاول افهم بس الي حصل معايا بصراحه ممكن تشوفو حاجه أنا مش شايفها

حاليا أنا في دوله خليجيه و عيشتي اغلبها و عمري اغلبه هنا من الطفوله و قدرت اكون نفسي بشغل اونلاين فا مش معتمد على الدوله الي أنا فيها

و حاليا بخطط اني أهاجر لدوله اجنبيه اقدر اخذ منها الجنسيه او الاقامه الدائمة و تكون كا plan b بس عشان يكون عندي خيار غير مصر لو احتجت اسافر او استقل في مكان تاني

النقاط المهما هيا

١. أنا مش هتشغل في الدوله دي فا سوق العمل مش هيأثر عليا هناك

٢. قوة الجواز او الدوله عموما اكيد يفضل تكون دوله امنه و العيشه فيها مريحه

٣. مصاريف المعيشه هناك يعني دوله زي كندا او سويسرا جميله بس معتقدش انها تستأهل المبالغ الي هتتصرف فيها خصوصا انك مش بتشتغل في الدوله و فلوسك من خارجها

٤. الضرايب و الحكومه كل ما كانت افضل هتكون إضافه لي الدوله

لو حد مر بي تجربه مشابها او عنده اي نصيحه هكون شاكر له