u/sbel_0987

رحمها الله و غفر لها و اسكنها فسيح جناته

ما اعرف اكتب بشكل منمق نفس بعضكم بس بحاول ✋

جاتني فترة ضغط طويلة نسبيا و كنت انظر لنفسي بشكل سلبي طوال الوقت لين شوي شوي كل شي في يومي غطى عليه السلبيه و انعزلت و صارت السلبيه تفسر كل شي بنسبة لي من افعال و أقوال او تصرفات الي حولي بشكل عام

كيف حسيت على نفسي؟

طبعا الحمدلله أحبابي كثير و من ربي الحمدلله دائماً و أبدا و بداية من بيتنا كنت متضايقة كالعادة و جاني اخوي الي يطغى عليه طابع الواقعية من كلام و افعال و سألني و جلست اتكلم و طولت لين في نص الكلام قالي انتي ليه تفكرين كثير ؟

اخذت كم ثانية استوعب سألته شلون ؟ قالي كلامك مبني على اشياء ما صارت و اشياء انتي تتوقعين بتصير بطريقة سيئة

و كملنا كلام و جلست بعدين مع نفسي و فككت اسباب الافكار و فعلاً اكتشفت ان اغلب الاشياء الي مضايقتني اشياء ما صارت و اشياء ما اقدر اغيرها

و طبعاً خذ مني وقت و اكثر من محاولة لتعديل نمط ذي الافكار

كيف بديت بتغييرها ؟ ( اخذ مني ٤ شهور و لسا مستمرة )

معرفة السبب ليه انا متضايقة ؟ و اكيد ما في حل سحري يعدل الموضوع بس اول خطوة كانت التقبل و اهم تقبل الواقع لأنك تعيش فيه و هذا عمرك و حياتك

التقليل من مسببات الافكار ( مواقع التواصل، مقارنات، ناس سلبية لو ما تقدر تتفادى الناس السلبية قلل من التواصل معهم بشكل عام)

خطوة بخطوة العمل بالموجود بشكل طبيعي و جدي

وضع روتين و خطط لكل يوم اشياء بسيطة عادي جدا ( ترتيب شي معين، طبخ ، شي تستمتع فيه بعدين عن الجوال )

و ضع هدف للمستقبل ( اي شي ممكن يساعدك ، عمل دراسة، فرصه ، تدرب ، حتى لو ما عندك ذي الاشياء قم شف دور حولك اشياء تحتاج حلول بداية من نفسك و اي شي ثاني)

ترك الناس و التوكل على الله ، كلنا عندنا اهل و اصدقاء و معارف بس مو هم المحرك الوحيد و الأساسي لأفكارنا و مشاعرنا لازم انت تكون ذا المحرك و تلجأ فقط إلى الله لان هو مدبر كل شي و راح يقوي ثقتك و علاقتك بنفسك

ابتسم ، ايه نعم ابتسمو ، طالع نفسك و شجعها بصوت مسموع

راح تروح الأفكار و تبداء تحب الاشياء الي تسويها إنجازاتك انت الي انت تحبها و تعبت فيها و ابدا لا تقلل منها

و قد تختلف تجربتي عن غيري ✋

بس حبايبي دمتم سالمين و بخير و صحة و سلامة

حفاظاً على طاقتك و اخلاقك و مزاجك اي شخص يقرر انه ينفذ قرار خاطئ و يجي يقولك و يتشكى بعدين و يعرف انه غلط مالك إلا النصيحه و بس خلاص خصوصاً لو كان شخص بالغ عاقل

نفس الي سيارته ما تنفع خط و يسافر خط و تخرب تتعطل يصير فيها شي مع انه يعرف انها ما تنفع خط

او الي تشتري درجة كونسيلر ما تناسبها و واضح انها ما تناسبها عشانه بس المتوفر حالياً و تشتكي إذا صار الون افتح او اغمق

أمثلتي سطحيه بس بشكل عام لا تدخل نفسك في مشاكل ناس ما تبي تتغير

و بس دمتم سالمين 🌷