u/Senior_Sarkar

جشن آزادی مبارک پاکستان 🇵🇰

On Pakistan’s 79th Independence Day, the Embassy of Sweden in Islamabad 🇸🇪 extends warm wishes to the people of Pakistan 🇵🇰!

This is a moment to reflect on the journey of Pakistan and the diversity of people who continue to shape its future with hope, resilience and determination. 🤝

May the years ahead bring prosperity and greater opportunities for all.

Happy Independence Day!

#SwedeninPak

Dil Dil Pakistan Jaan Jaan Pakistan 💚

وادی کمراٹ ، زمین پہ جنت کا ٹکڑا

یہ جنت نظیر وادی اپنے دامن میں بیسیوں دلکش مناظر سمیٹے ہوئے ہے ۔۔۔ ہریالی و شادابی میں اس کی مثل شاید ہی ملک خدا داد میں کوئی اور ٹکڑا ہو ۔۔۔پانی کی اتنی بہتات کہ شروعاتِ وادی سے لیکر آخری حد تک دریائے پنجکوڑہ ہی چھایا ہوا نظر آتا ہے ۔۔۔ اس کی مخصوص آواز سے ایسی مانوسیت ہو جاتی ہے کہ جہاں کہیں انسانی کان اس کی آواز سے دور ہوں تو ایسا لگتا ہے کہ جیسے کوئی آشنا اور اپنائیت میں ڈوبی چیز مفقود ہوگئی ہو۔۔۔کچھ کچھ فاصلے پر صاف و شفاف مختلف رنگوں میں پانی کے نالے۔۔۔ بلند و بالا آبشاریں۔۔۔ آتشِ پیاس کو بجھانے والے ٹھنڈے ٹھار خوش ذائقہ شیریں چشمے۔۔۔ مختلف جگہوں پر آبپاشی کے لیے بنائی گئی نہریں اس پر مستزاد ہیں لیکن قابلِ ستائش ہیں اہلیانِ علاقہ کہ پانی سے خوب خوب نفع لیتے ہیں۔۔۔ سبزہ، زراعت و باغات اسی کے ہمدم ہے۔

اس کی ہریالی ایسی کہ گویا میلوں قدرتی سبز کارپیٹ بچھا ہوا ہے جو آنکھوں کو ایسا خیرہ کرتا ہے کہ فطرتِ آدمیت اسے دیکھنے میں مبہوت رہ جاتا ہے ۔۔۔کہیں بالکل میدان اور کہیں ڈھلوان۔۔۔ کہیں پہاڑی سلسلہ اور چوٹیاں اور کہیں جنگلات و بیابان۔۔۔ جس سے دلِ پژمردہ کو جلا بخشنے کا وہ منظر بہت پرکیف ہوتا ہے جب یکے بعد دیگرے اوپر نیچے تہہ در تہہ متوازن کھیتوں کا ایک لمبا سلسلہ چلتا ہے جس کے ساتھ ساتھ پانی بھی دوڑ رہا ہوتا ہے تو انسانی آنکھوں میں بسا ہوا مصنوعی منظر اصل اور حقیقت کا روپ دھار لیتا ہے اور بے ساختگی سے زبان سے جاری ہوتا ہے"فتبارك الله أحسن الخالقین"۔

ایسے چمن میں کہیں کہیں درخت ایک جھرمٹ کی صورت میں ہوتے ہیں جن کی ٹہنیاں ہواؤں کے ساتھ اٹھکیلیاں لیتی ہیں اور بسا اوقات تیز ہوا کے ساتھ جھوم کر ایسا ساز بجانے کا منظر پیش کرتی ہیں کہ اہل ذوق عش عش کر اٹھتے ہیں۔۔۔ باغات کا ایسا سلسلہ کہ جدھر نگاہ اٹھے ادھر ہی کوئی نہ کوئی پھل جھولے لیتا نظر آتا ہے ۔

یہ مناظر ڈپریشن اور گبھراہٹ ۔۔۔ اکتاہٹ اور ملال۔۔۔ تنگ دلی اور افسردگی کو دور کرنے میں ایک خاص اور لطیف تاثیر رکھتے ہے۔۔۔۔۔۔۔۔