u/whywhywhywhy_wh

ابي تدريب تعاوني بالرياض في قطاع الكهرباء ويفضل يكون في مكافاه وشغل حقيقي باليد وبس مابي كنتاكي

ودائما ابحث عن الهدوء طلع مصدر الضجيج عقلي…كيف الواحد يهرب من نفسه؟

مادري هل ذا نضج ولا ايش بالضبط؟ بس صرت ما احب اروح اماكن مزدحمه ما احب الازعاج ما احب اشوف اشخاص مايهموني ولا احب اطلع مع شخص مايعجبني يعني قبل كنت اسويها لمجرد تضييع وقت واتمشى واشوف اختلاف الافكار والخ الان مالي خلق اسلك لاحد وكل مارجعت من طلعه افكر هل كانت تستحق؟ كم اقيمها؟ هل اكررها واعيدها؟ كم اقيم الاشخاص؟ ماكنت كذا قبل فل اجتماعيه فل تسليك فل جداول هل ذا نضج ولا تم استهلاك كل طاقتي؟

مافي شي صدمه بس تابعوني عشان يصير عدد متابعيني ٣٠ مو عاجبني ٢٩ مسبب لي مشاكل وهواجيس

كيف تحافظون على تغذيتكم وتقفلون احتياجكم خلال وقت الدورة؟ مع الغثيان وانعدام الشهيه احس تعبي وجهدي كله يروح خلال اسبوع وبالعكس يصير اسوأ لاني اتغذى على الحلويات

تعرفون لما الحياة تبتسم لكم شوي وتحسون انكم over the moon ودكم تثبتون اللحظة ودكم تطولون شوي بس كل شي يمر بسرعه! ولما ترجع للواقع تحس انك طحت بس انت ماطحت اصلاً انت بس رقيت فوق شوي بعدين رجعت لمكانك والان جالسه اعيد اللحظة ذي براسي مرارً وتكرارً! ونفس ماقال المتبني"نصيبك في حياتك من حبيبٍ، نصيبك في منامك من خيال"

بعد معاناة مع الارق والنوم المتقطع اللي مايستمر اكثر من ٣ ساعات اليوم قدرت انام ٦ ساعات وكنت راح اكملها ٨ لولا اني مضطره اصحى عشان اداوم احس الحياة ورديه وسعيده!

احس عقلي جالس يسولف 2x ازعااج كيف اقفله او اطفيه

الناس بدت تقفل عقلها وتعتمد عليه بشكل كبير وطُرق التسويق انه يختصر الوقت والجهد وهو جالس يختصر عليك عملية تفكير عملية تقدر تقوي فيها جانب الفكر المنطقي والابداعي والخ وغير ان كثير متاجر صارت تستخدمها بشكل مقرف جيت بشترك في كورس بس المحتوى والمقدمه عن الكورس مكتوبه من chatGPT حتى ماتعبوا نفسهم يشيلون الايموجي ويعدلون عليه وقررت ما اشترك غير ان حتى substack جيت بقراء لقيت المحتوى من ‏chatGPT!! تكفون ارجعوا اعتمدوا على نفسكم مو لازم كل شي يكون مثالي لكن لازم يكون شي حقيقي تقدمه وكل شي يزيد عن حده ينقلب ضده الاداة مفيده اذا استخدمتها بطريقه متزنه مو بهذا الشكل

مرات ودي ارميه لان لو بمشي ورا ضميري بجلس اكرر كلمة امزح واسفه الى مالا نهايه

ولا يقدر يعيش لحاله مع علاقاته الاجتماعيه اعزب بقية العمر؟ هل فعلاً مهم ولا هو احتياج تقدر تسوي له سكب، وهل وهل هواجيسي له اجابات مقنعه؟

ارق وفوق ذا يعذبني يجيني بنص اليوم ولما ادوره وابي انام يهج! علاقتنا سامه بلا شك، بس لما افكر فيه اكثر شي احب اسويه هو النوم فكرة ان روحك تختفي لفتره مؤقته من ذي الحياة مريحه ابي انااااااااامممم!!!

لاول مره احس يوم السبت رائع ومتحمسه اداوم وجلست افكر من وين لي ذي الطاقه؟ واستوعبت اني قضيت الوينكد مع نفسي جلست استوعبت الحياة رتبت افكاري وحتى اغراضي وكل شي احتاجه وحجزت مواعيد لي واحس حياتي ترتبت، بالعاده الويكند اطلع مع اهلي او مع صحباتي او ازور اقاربي وارجع يوم السبت يالله الحق استوعب الحياة فا انصحكم تقضون بين كل اسبوعين ويكند لحالكم فيه راحه عجيبه

احس تعلم الطبخ من المهارات الاساسيه لكل شخص مشكلتي ما احب ادخل على وصفه لاني احس لازم اسوي نفسهم بالضبط مرات ابي اسوي بالمقادير اللي عندي واللي انا مشتهيته بس يطلع الطبخ ماش الرز يكون معجون الدجاج احطه في القلايه يصير ناشف وكانه حجار مادري كيف اضبط الوزنيه واتعلم

احس اني جالسه اشرب سكر حرفياً الله يكرم النعمه جربت اكثر من نوع وكلهم عباره عن سكرررر وثقيل وغثيث تعرفون بروتين طعمه خفيف ومو مره حالي؟

قفي .. لا تخجلي مني فما أشقاكِ أشقاني
كلانا مرَّ بالنُعمى مرور المُتعَبِ الواني
وغادرها .. كومض الشوق في أحداقِ سكرانِ
قفي.. لن تسمعي مني عتاب المُدْنَفِ العاني
فبعد اليوم ، لن أسأل عن كأسي وندماني
خذي ما سطَّرتْ كفّاكِ من وجدٍ وأشجانِ
صحائفُ طالما هزّتْ بوحيٍ منكِ ألحاني
خلعتُ بها على قدميكِ حُلم العالم الفاني!
فإن أبصرتني ابتسمي وحييني بتحنانِ
وسيري ، سير حالمةٍ وقولي كان يهواني!