u/whywhywhywhy_wh

احس اني استنزف طاقتي بالمحاوله، ما اسمع اغاني حزينة ولا حتى اشوف فديوهات حزينه او مسلسل او الخ، واحاول احمد ربي كل يوم واعدد النعم، بس فوق كل ذا احس بمشاعر سلبيه غالبا وفي نهاية يومي اجلس مع افكاري وتساؤلاتي واحس وش المعنى من كل هذا؟ ليش ما اقدر اصير ملكة الايجابيه

عطونااا

اول كنت اميز الاشخاص بسرعه الحين صرت احس فيه فئه جديده كبيره مادري ولا انتم نفسكم بس بحسابات جديده؟

انا اعشق اختي يناس والله اعشقها يعني اليوم جتني لحظه ادراك لما طلبت منها تجي معي احتاجها قالت ماتقدر، وقتها فكرت اقول لمين؟ طالعت بباقي خواتي وقلت لا مستحيل.. طالعت ببنت خالتي قلت لا ويين… فكرت بصديقتي قلت سلاماات.. وبنص تفكيري جتني اختي المنقذه هذي وقالت خلاص خلاص بجي معك، يناس والله اضيع بدونها يعني جتني لحظة ادراك لما طلبت منها مافكرت ولا ترددت بثانيه بس لما فكرت بنفس الطلب لاشخاص اخرين حسيته شي مستحيل، فاهميني؟

مو لازم الشخص يكون منجز ومنه فايده ولا لازم تكون مبهر ومميز المتعه هي في انك تقضي الوقت بدون ماتفكر بشي فقط تستمتع فيه، لحظة ادراك انه الحياة جميله لما تعيش في حالة الان

انا صديقتي اليوم كنا نتناقش بنقاش عميق بعدين جاني احساس ان ياحلوها الحمدالله انها صديقتي لان فعلاً انسانه رائعه رهيبه احب شعور ان ذا الشخص الرهيب من محيط احبابي

لي ٣ ايام كل ما اصحى تصير لي مشكله واصابات من جروح والخ واليوم صاحيه مروقه بطبخ وجالسه افكر ان اليوم ذا بيكون مثالي بجلس برواق وبنجز بدون اي شي يعكر مزاجي.. شوي الا القى طرف بجامتي يحترق!! طيب انتظري ياحياة اتركيني اتخيل شوي لو بس خيال

ودي اجرب احط البروتين مع الزبادي بس خايفه من الطعم جربتوا؟ كم نسبة اني اتسمم واكره الزبادي للابد؟

مايحتاج تكتبون حسابي بأستثنائي مين ؟ انا احب اللي ينزلون اذكار بس ما احفظ حساباتهم الصدق

هواجيس اليوم عن العلاقات احس استنزفت طاقتي في محاولة انجاح العلاقات والاستمرار وجالسه افكر ليه ماقدر اسوي تصفيه للعلاقات الحاليه واجيب علاقات جديده بكل سهوله وهكذا كل ٥ سنوات من يستحق ان يبقى في الدائره مايتم تصفيته، الحقيقه اني اخاف اسوي ذي الخطه وابقى وحيده

ليش مو انا؟

قلت لها احتاج درجات وبعزمك على زواجي وجلست تضحك وتطالعني ( هي مره متدينه وقد نصحتني بشي ) خفت انها ترجع تعطيني نصيحه زوجيه بس قالت كيف تتزوجين وانتي كذا ستايلك!! قلت زوجي كوول يادكتوره 🤙🏻🤙🏻 بعدين رجعت تضحك وقالت الله يرزقك!!!! قلت يارب تقصدين درجات وماتت ضحك وطردتني وهي ميته ضحك، طيب خلاص كلنا ندري اني امزح عطيني درجات عشاني ضحكتك!!!

" ولعلّني رُغْمَ احتياجيَ أنْطَوي
وألوذُ بالصلواتِ والخلواتِ
النَّاسُ تهجرني لعيبٍ واحدٍ
والله يقبلني على عِلّاتي
نسّقت ألف قصيدة في فهمهم
والله يعرفني بِغير لُغاتِ
الناسُ عن وجعي ستغمض عينها
والله داوَى موجعي بأناةِ
في قُربه كل المخاوف تَنجلي
في حُبّه أحببت حتمًا ذاتي "