تجربتي مع مستشفى أسنان جامعي و أشياء أخرى
سلام
تقييم الحالة:
دلوقتي بقالي فترة كبيرة ممكن سنتين أو أكتر عندي آلام مرتبطة بالفكين و مؤثرة عليا بشكل كبير و لقيت كل الأعراض بتدل على إن عندي اشتباه في TMJ
فدكتور الأسنان قال انت محتاج تقويم لكن أنا كبرت دماغي لعدة أسباب أهمها التكلفة
لكن سمعت من بعض الناس إنهم بيشكروا في عيادات الأسنان الجامعية و حتى بيقولوا إن بعض الدكاترة أصحاب العيادات الخاصة بينصحوا ناس إنهم يتعالجوا هناك بسبب السمعة و يمكن عشان قلة التكلفة أو إنعدامها أصلا
الأسبوع اللي فات قلت أجرب أروح لكلية طب الأسنان في محافظتي، و طبعا عشان من منطقة ريفية نوعا ما فتقريبا المواصلات للجامعة بتاخد ساعة ونص
اسم الجامعة:
الجامعة هي جامعة المنصورة و تعتبر جامعة ذات اسم دولي مش بس محلي، حتى الدكتورة اللي كشفت عليا كانت لهجتها سورية و كان في طبيب و طبيبة اخرى بنفس المكان و مبتعثين هنا و لهجتهم برضو مش مصرية
تقييم الكشف والخدمة:
الدكتورة اعتمدت على وصفي للأعراض بدون فحص أو استخدام أدوات و حتى إنه كان سريع، مجرد قالت إنت مشكلتك عضة مفتوحة او open bite، و كتبتلي محتاج تنظيف جير (خطوة تسبق إجراءات التقويم) + تقويم
المهم رحت لعيادة التنظيف، قالوا اليوم مش شغالين لأنه الخميس
مع إن كان المكان مفتوح و كان في دكاترة موجودين
لكن اللي استنتجته ان ده زي إجراء متبع عشان يأخروا الناس و يدوهم مواعيد في ايام تانية، المفروض تسهل على المرضى و تخفف آلامهم لكن انت بالحركة دي بتثقل عليهم الأمر أكتر و اكتر.
المهم كتبت الميعاد في الورقة يوم الأحد في الأسبوع القادم واللي حصل بعد ده كان صدمة
صدمة يوم الأحد:
في عيادة التنظيف بيتم تسليم ورق مجموعة من المرضى اللي موعدهم في هذا اليوم و كلٍ حسب دوره، و بعد الانتظار لساعة نص حتى نداء اسمي و قبلها الوقت اللي راح في المواصلات اللي كان ممكن كل ده يتم تجنبه لو عملوا التنظيف يوم الخميس، أفاجئ وأجد أن الطبيية التي ستقوم بتنظيف الجير تبحث و تطالع في الخطافات حتى تختار أفضلهم لعملية التعذيب
>أنا كنت متوقع إن تنظيف الجير ده هيكون بآلة عشان اختصار الوقت و تسهيل الأمر على المريض والطبيب و تقليل الآلام قدر الإمكان، وفعلا هذا مارأيته في عيادة خاصة اليوم
المهم الدكتورة بدأت بإستعمال الخطاطيف و لما كانت تقوم بالتنظيف، كانت كأنها تقوم بإقتلاع روحي مع كل سحبة للخارج و كل سحبة و شدة للخارج تتبعها نافورة دم، هذا غير الوقت الطويل الذي تم استغراقه في تنظيف فقط ثلث الأسنان و في النهاية قامت و قالت:
>أنا كده وقتي خلص، ابقي تعالى يوم تاني عشان نكمل
أصلا، جلسة التنظيف لاتأخذ اكثر من ربع ساعة في اي عيادة خاصة
أزيدك من الشعر بيتا، أنها أخذت رقم هاتفي و سجلته و وعدت ان ترسل رسالة تبلغني فيها بالموعد القادم لإستكمال التنظيف ومر أربعة أيام ولم ولن تتصل
كل هذا الوقت الضائع و الجهد و الأموال الخاصة بالمواصلات من و الى الجامعة، لأجل ثلث جلسة تنظيف واصلا ليست هي السبب الرئيسي للذهاب للجامعة للعلاج
رأيي وتقييمي:
عارف ان الطلبة مرغمين على الكشف عن المرضى كنوع من التدريب، بس مفروض يتم وضع لوائح و قوانين توضح الشفافية بتاعة الموضوع و يقولوا للناس عن الجودة الخاصة بخدمة العلاج، وطالما الجامعة بتوفر كشف، توفره بأحدث أدوات و تسهل على المرضى مش عشان حاجة بسيطة، اقعد أيام و اسابيع عشان أستنى دوري + الخدمة المزرية و كمية الإستهتار بالناس
شوف كم الاستهتار في شيء بسيط مثل التنظيف فمابالك ماذا سيحدث لو كنت أتممت التقويم هناك، اكيد هيكون بايظ
الحمدلله، أتممت الجلسة في عيادة خاصة اليوم و تقريبا اخذت ربع ساعة، و استغنيت عن فكرة إني أذهب للجامعة مرة ثاتية من اجل الإكمال
الصراحة تجربة سيئة ٢ من ١٠