u/Glittering_Wheel_548

ويارب استمر عليه

بس !!!!

زي >!كويز!< و >!ميد!<

شفرتها عشان احاسيسكم...

كتبت كم كومنت، وكل مره القى فوق حسابي "Deleted"

بعدين احدث الصفحه يرجع طبيعي

بشرونا عنكم 🛸

Cause i have many ideas to work with those, and sadly, they are on a limited time

1999$

• لا تطقه اول حياتك الوظيفيه

فيه شي اتمنى الكل يفهمه، ان الشركات حاليا صارت تحط شي يقاله "فترة التجربه"، وحدّها ست شهور حسب قانون العمل، والبلشه فيها لاقسطته بحكم انك تشوف انك استقريت وظيفياً، ولاهم فاصلينك بحجة "التجربه"، ومن تجربة شخصيه ربي ماوفقني بالعمل وفصلت بعد ثلاث شهور "حسب العقد"، ولنفس السبب

• لاتتداين لموتر كل خمس سنوات

للأمانه هي ترجع للراحه الماليه، بس اغلب الناس تغير موترها كل خمس سنين، اللي هو شي مايعجبني شخصيا، يعني الموتر اشوف عمره بحد ادنى ١٠ سنين "قبل ماتكثر البلاوي ويصير مزعج"، واشوف انك تجمع طيلة هالمده لموترك الجديد او فرق قسطه اريح بواجد

• لا تداين لموتر "فوق ميزانيك - حاجك".

اتمنى انك ماتنخدع بالبهرجه بأحد المواتر، او حتى بالسوشال ميديا تشوفه شي وكذا، اتمنى انك تبحث عن الموتر بدقه وتشوف استهلاكاته وقسطه، واحسبها لراتبك وهناك قرر، ترا مب عيب تاخذ موتر صغير، محد بيقول لك شي.
"واشوف انك تاخذه مستعمل بفرق افضل، بحكم انك بتاخذ نفس الموديل بالنهايه"

ونفس الموضوع للي ميزانيته محدوده ومخطط ياخذ موتر جديد، واللي بحكي عنها بالأخير

واخيرا وليس آخرا

• احسب حساب الاقساط و الدفعه الاخيره قبل كل شيء

اتمنى انك تجمع قرشين زود قبل ماتقسط، عشان يمديك تخفف الدفعه الاخيره، او حتى تقلل مدة القسط، ولاصرت حريص جدا، ٩٥٠ ريال لمدة ثلاث سنوات هو افضل خيار، بحيث لاقدر الله وراح شغلك يصير عندك مجال تلم شتاتك وتوزن امرك.

واشوف الافضل بالنسبة لي انك تاخذ قرض شخصي وتاخذ موترك كاش، لان الفوايد اقل "حسب البنك"، والاهم ان موترك مهب مسحوب لاقدر الله، لكن الميزه هذي مب عند الكل، بحكم ان البنوك تخاف بمسألة القروض.
والاهم من هذا الامر كله، استخير، وخذ راحتك بالتفكير.

وفالكم التوفيق

كلام كل مااقوله ينفهم غلط، بس مُصر انه يوصل
شخصيا عندي هوس تام بالسيارات وامورها الميكانيكيه وانواعها سواء شعبي او سبورت، ودايم اكون ملم بالمجال ذا، ولكن فيه شي يخلي قلبي يغلي.

فيه نوعيات من المجتمع هدانا الله واياهم يشتري موتر كبير وفخم بديون او حتى يكون حق قريبه او بطرق اخرى، ويقعد يمشي سرعة مجانين او يفحط فيه او حتى يكسره بالمطبات ومايحترم رونق السياره، ومع هذا اشوف ناس تقول لي يوم اهاجمهم ان "موتره وبحر ماله"، ياخي لاصار بقروشك ماتاصل ابدا انك تعاملها كانها قوطي ببسي او ماشابه، لان شخصيا اشوف سيارات تعتبر بريميوم زي الافالون خصوصا اشوفها مكسره وحالتها حاله وراعينها واحد بسن المراهقه او اصغر حتى، ويبدا يتباهى بموتره بالسوشال ميديا ان "موتري يمشي ٢٨٠" او حتى "٢٢٠"، وبموتر عادي، وحتى لو سبورت زي التشارجر تراها ماتنقذك إلا بأمره بسرعه زي هذي،
وترا حتى امور زي السلامه مب مجهزه لحالات زي ذي ابداً، تمشي سرعة مجانين مع سبيكرات تقوم الميت وبطريق عام !!!

ياخي انصدم شخصيا من مناظر زي هذي، يعني انت ماتدري ان ربي يمكن يغمت روحك داخل تريله او ماشابه، او حتى تنهي عائله بتهورك هذا !!، وحتى يعني ترا اقسم بأيات الله ان نهايتها قشرا، والله ماتتمناها للي عاداك، يارجل فيه ناس تفقد اساسيات العيش من ورا السرعه والجنون هذا، واللي فقد غالي واللي فقد ولده، واللي حتى فقد اساسيات الحياه زي الحركه، شخصيا شفت حالات زي هذي في الطوارئ، ابو يبكي على ابنه، واخوه اكبر همهم يعرفون وش صار به، كل هذا عشان واحد مستهتر مشى سرعة مجانين ودمر روح مالها ناقه ولا جمل.

وغير انها ديون اخوي، حسب ماافتي انها شكل من الاشكال الانتحار، والموت تراه آخذ، وماله رجعه، موترك اللي عدمته بدين يوم من الايام بتسأل عنه، وكلنا بنسأل عن اماتنا، وشبابنا ومالنا.

اتمنى من كل قلبي ان البشر توعى بمسأله زي هذي، السرعه المبالغ فيها وصرف ديون عالييه جدا على سياره لأمر زي هذا ترا خطيرر جداً، غير انها بيكلفك مبالغ بيكلفك صحك واساسات الحياه.

اسآل الله اني وفقت بالطرح ويالله يطرح فينا البركة اجمعين.

ليش لازم احصل خبره تطوعيه؟، عشان اشتغل نفس شغلي بس بدون فلوس، وغالبا بعيد "يعني انا شخصيا رحت لجامعة الامام وانا بأقصى الرياض"
ومايمديك تحتج، لانهم بيقولون "ان ماعجبك نجيب غيرك"، اجل وراكم مسوين مقابله معي من الأساس؟"

بس بعدها تاخذ شهاده، اللي غالبا بتنرمي، لانها مب مثلا من مكان عالمي او ماشابه، وحتى منصه زي تطوع تطلع لك اشياء عجيبه، زي انك تنظم حفل وتلبس لبس شخصيات كرتونيه بمدرسه اهليه او ماشابه، او حتى تصفف اوراق وترتب امور بوزاره، ومافيه زي جدارات تحط موافق وخلاص، لازم ترسل ايميل لهم وتوضح ليش تبي الامر ذا.

ليش شي زي التطوع مايصير يسير وواضح، ليش فيه شركات تطلب تطوع لناس معهم شهادات عليا بالبرمجه عشان يشتغلون نفس شغلهم المفروض ببلاش؟؟

شي غريب

ياخي على الاقل غير الدعم المعنوي، عطني دعم مادي شوي، شهاده فخمه يعني اني سويت شي كبير، لا اغلبهم يحطها بمنصه او يرسل لك الشهاده PDF وتصميمها رخيص جدا "الظاهر حتى اللي مصممها جابوه تطوع"

يعني وش اللي حوّل "Honor" إلى "Ona"🗿
قلنا تغير الّسنه، بس ماتاصل

الزبده ابيهم يتقابعون مع المصري لا حكى انجليزي

لا تخلط مويه الوكاله مع مويه عاديه !!!
لا تخلط مويه الوكاله مع مويه عاديه !!!
لا تخلط مويه الوكاله مع مويه عاديه !!!
لا تخلط مويه الوكاله مع مويه عاديه !!!
لا تخلط مويه الوكاله مع مويه عاديه !!!

قصه شخصيه، انا كنت محافظ على موتري حتى لدرجة اني صرفت زود عشان انظف قاعدة التبريد كامله فيه، وأحط موية الوكاله بدال ام ريالين ذيك الخضراء والحمراء، بس بعدين تركت الموتر للسواق وسافرت عشان شغل اخوي، وبعد موتره كان مخبط لنفس السبب اللي بقوله.

على العموم، هو لقى موية الموتر ناقصه شوي، ومع اني محرصه مايغيرها، افتى من راسه وحط مويه مالحه "حقة البزبوز" واضطريت احط هدف اني انظف دائرة التبريد للمكينه قبل فوات الاوان "بحكم انهم محذرين ان ماتخلطها مع اي مويه"

الزبده قدر الله ومعد اشتغل الموتر ابد، وشلنا بسطحه على الصناعيه، واضطريت ادفع قروش زود على التوضيب لان دائرة التبريد انعدمت كااامله "وبعد مشاكل زي الزيت وكنا بعد نرقع بالموتر لين انفجر".

لذلك احذررر، لاتعبي الا من موية الوكاله، موجوده بقطع الغيار، رخيصه نسبيا
ولاصارت المويه تقل بسرعه اعرف ان فيه خلل.

اشوف مواتر زي البورش والعلامات الفاخره الالمانيه اسعارها طايحه باالسوق واكثر اللي ياخذونها اجانب، ومع ان اعمارها فوق ال٢٠ سنه وكلها الكترونيات بس تمشي عادي عندهم، وحتى يصلحونها برخيص.
مع ان لو تصلحها بالصناعيه زي الكايين مثلا، تلاقي كهربتها لحالها دبل قيمتها بالمستعمل "ثلاثين الف تقريباً".

مع انها فخمه للأمانه وخصوصا موديلات القديمه من الكايين، وداخليتها اللي كلها جملي من المواتر اللي اتمناها شخصيا، بس عاد صيانتها لاخذيتها بعشرين تكلفك ميه اقل شي.